Ísland verður með í FIFA 18

KSÍ og EA SPORTS™ hafa náð samningum um að Íslenska karlalandsliðið verði með í FIFA 18 þetta árið. FIFA eins og flestir vita er vinsælasti íþróttaleikurinn í heiminum og einn sá vinsælasti almennt.

Þetta eru góðar fréttir fyrir þá tugi þúsunda spilara sem að spila leikinn hér á landi og auðvitað hina fjölmörgu FIFA spilara um allan heim sem hafa hrifist af leik og árangri liðsins undanfarin misseri.

Sena, sem gefur leikinn út á Íslandi, og EA SPORTS hafa af þessu tilefni látið útbúa sérstaka kápu utan um leikinn sem skartar íslensku landsliðstreyjunni. Þessi útgáfa leiksins verður aðeins fáanleg í verslunum á Íslandi. Útgáfudagur FIFA 18 er 29. september.

Guðni Bergsson formaður KSÍ er mjög ánægður með að íslenska landsliðið verði nú í þessum vinsæla leik.

„Ég er mjög ánægður með þessa niðurstöðu og tel þetta vera góð tíðindi fyrir alla þá sem spila leikinn hér á landi og í raun um allan heim. Mér finnst þetta jákvætt markaðslega fyrir íslenskan fótbolta, gaman fyrir okkar stuðningsmenn og einnig leikmennina sjálfa,“ segir formaðurinn í tilkynningunni.

Í fyrra náðust ekki samningar á milli KSÍ og EA Sports um veru landsliðsins í leiknum og erum við eins og aðrir einstaklega glaðir að það hafa náðst samningar og við getum valið liðið okkar þegar FIFA 18 kemur út í lok sept.

Heimild: Vísir og KSÍ

Leave a Reply

Netfang þitt verður ekki birt. Nauðsynlegir reitir eru merktir *